|
İnformasiya Bülleteni -
2005: IV buraxılış
BTC-nin keçdiyi icmalarda içməli su təchizatının yaxşılaşdırılması
Layihənin icrasına 2006-cı ilin noyabr ayından etibarən
Bakı-Tbilisi-Ceyhan (BTC) və Cənubi Qafqaz Boru Kəməri (CQB)
Tərəfdaşlarının maliyyə dəstəyi ilə başlanılmışdır.
Layihə
içməli su çatışmazlığından daha çox əziyyət çəkən BTC boru kəməri boyunca
yerləşən İctimai Sərmayə Proqramının hədəf ərazisində yerləşən icmalarda
həyata keçirilir.
Layihənin məqsədi mövcud yerli resurslardan istifadə etməklə BTC/CQB
kəməri boyu yerləşən 6 icma (Kürdəmir- Sığırlı, Kərrar Kənd, Kərrar
qəsəbəsi, Ucar – Bərgüşad, Qüləbənd və Ağdaş – Orta Ləki) üçün təşkilati
cəhətdən inkişaf etmiş və idarə olunan suyun saflaşdırılması
texnologiyalarının təmin edilməsi və suyun keyfiyyətinə və gəlirə effektiv,
şəffaf idarəetməni təmin etmək üçün Məhdud Məsuliyyətli Cəmiyyətlər
formasında hər bir qurğu üçün idarəetmə strukturlarının yaradılmasıdır.
Layihə
çərçivəsində aşağıdakı fəaliyyətlərin həyata keçirilməsi nəzərdə tutulur:
-
Maarifləndirmə;
-
İcmaların təşkilati bacarıqlarının
artırılması;
-
Təhlükəsiz suya çıxışın yaxşılaşdırılması;
-
İqtisadi İmkanların Genişləndirilməsi.
Azərbaycanda İcma İnkişafı Fəaliyyəti
ABŞ BİA tərəfindən Azərbaycanda beşillik İcma İnkişafı
Fəaliyyəti Proqramını həyata keçirmək üçün CHF təşkilatına qrant
ayrılmışdır.
Ümid HSDM bu layihədə CHF-in
yerli partnyoru kimi dekabr ayından “Azərbaycanda İcma İnkişafı Fəaliyyəti”
layihəsinin icrasına başlamışdır.
Proqram Respublikanın 3 regionunda (şimal-şərq, şimal-qərb
və cənub) icra olunacaq.
Ümid HSDM bu layihə çərçivəsində şimal-şərq (Quba, Xaçmaz,
Qusar, Dəvəçi) regionunda icma inkişafı fəaliyyətlərini yerinə yetirəcək.
Respublikanın şimal bölgələrində icmaların səfərbər
olunması, yerli iqtisadi inkişaf layihələrinin həyata keçirilməsinə dəstək
məqsədilə Ümid proqram çərçivəsində aşağıdakı vəzifələrin icrasını nəzərdə
tutur:
-
İcmaların səfərbər edilməsi;
-
İcma İnkişaf Şuralarının yaradılması;
-
İcma layihələrinin həyata keçirilməsi
Sığınacaq axtaranlara/qaçqınlara
qayğı və dəstək
Donor: Birləşmiş Millətlər Təşkilatının Qaçqınların İşi üzrə Ali
Komissarlığı (BMT QAK)
Layihənin məqsədi: “Usta yanında şagird hazırlanması” metodu ilə
Azərbaycana pənah gətirmiş gənclərin peşə bacarıqlarının artırılması və
onlara sənət öyrətmək və sığınacaq axtaran şəxslərin qeyri-ərzaq humanitar
yardımlarla təmin olunması
Noyabr ayında Qadın və Gənclər Mərkəzində bərbər, kosmetoloq və dərzi
xidmətləri göstərilməsi məqsədilə 3 günlük pulsuz xidmət kampaniyası
keçirilmişdir. 3 nəfər bərbər, 4 nəfər kosmetoloq və 3 nəfər dəzri
peşəsinə yiyələnən gəncl bu 3 gün ərzində 32 qadına müvafiq xidmətlər
göstərmişlər.
Bu kampaniyanın keçirilməsi “Usta Yanında Şagird Hazırlığı” kurslarında
peşə bacarıqlarına yiyələnmiş şagirdlərin ərazidə tanınmalarına, bu
gənclərin müvafiq sahələr üzrə qazandıqları bilik və bacarıqların
təcrübədən keçirilməsinə və ən əsası gənclərdə xeyirxahlıq ideyasının
aşılanmasına yardımçı olmuşdur.
Layihə çərçivəsində peşə bacarıqlarına yiyələnmiş 13 nəfərə aşağıdakı
mövzularda kiçik biznes təlimləri verilmişdir:
BTC/CQBK-nin İctimai Sərmayə Proqramı
Donor: Uşaqların Xilası
Layihənin məqsədi: İcma Qruplarının (İQ) bacarıqlarının artırılması, icma
layihələrinin idarə olunması, icmaların sosial-iqtisadi problemlərinin
həllinə dəstək
BTC/CQBK-nin İctimai Sərmayə Proqramı (İSP) çərçivəsində “Uşaqların Xilası”
və Ümid HSDM Davamlı İcma İnkişafına nail olmaq məqsədilə əməkdaşlığı
davam etdirilər.
İcma qrupları və bələdiyyələrin texniki dəstək üzrə ehtiyaclarının
araşdırılması məqsədilə “Uşaqların Xilası” Təşkilatı və “Ümid” HSDM-nin
əməkdaşlarından ibarət Texniki Yardım Komandası yaradılmlışdır. Bu komanda
Təşkilati Qiymətləndirmə Alətindən istifadə etməklə Bələdiyyələrdə və ən
güclü İcma Qrupları hesab olunan 6 Ulduz İcma Qrupunda aparmışdır.
Təşkilati Qiymətləndirmə Alətinin məqsədi hər bir icma əsaslı təşkilatın
təlim və texniki yardıma olan ehtiyaclarını müəyyənləşdirmək və
prioritetləşdirmək və İƏT-larda gender amilini araşdırmaqdır.
Seçilən 6 Ulduz İcma Qrupları və bələdiyyələr:
-
Yevlax rayonu
Nemətabad icması və bələdiyyəsi
-
Goranboy rayonu
Eyvazlılar icması və bələdiyyəsi
-
Samux rayonu
Yuxarı Ağasıbəyli icması və bələdiyyəsi
-
Şəmkir rayonu
Dəllər Daşbulaq icması və bələdiyyəsi
-
Tovuz rayonu
Xatınlı icması və bələdiyyəsi
-
Ağstafa rayonu
Saloğlu icması və bələdiyyəsi.
Ulduz İcma
Qruplarına və Bələdiyyə üzvlərinə Layihənin İdarə olunması, Hesabatların
hazırlanması, Maliyyə İdarəetməsi, Təşkilati İdarəetmə və Planlaşdırma,
Şəbəkə və tərəfdaşlıq, Vəkillik, Maliyyə axtarışı və Təqdimat bacarıqları
mövzularında təlimlər verilmişdir.
Qeyd olunanlarla yanaşı hədəf ərazidə Usta Yanında Şagird Hazırlığı metodu
ilə peşə bacarıqlarına yiyələnmək arzusunda olan 148 yeniyetmə mərkəzə
müraciət etmişdir. Seçim kriteriyalarına müvafiq olaraq onlardan yalnız 30
nəfəri (19 qız, 11 oğlan) 8 peşə üzrə (qadın bərbəri, dülgər, dərzi, avto
çilingər, qaynaqçı, mühərrik təmiri, kişi bərbəri, toxuculuq) peşə
bacarıqlarına yiyələnirlər.
İnkişaf üçün Təhsil
Donor: Birləşmiş
Millətlər Təşkilatının Qaçqınların işi üzrə Ali Komissarlığı (BMT QAK)
Layihənin məqsədi:
A) Məcburi köçkün məktəblərində təhsil şəraitinin yaxşılaşdırılması və
valideyn təşəbbüskarlığının artırılması
A) Məcburi köçkün məktəblərində təhsil şəraitinin yaxşılaşdırılması və
valideyn təşəbbüskarlığının artırılması
Sumqayıt şəhərində yerləşən 14 məcburi köçkün məktəbində fəal təlim
metodlarını tətbiq etmək məqsədilə seminar təşkil edilmişdir. 16 ingilis
dili müəllimin iştirak etdiyi seminarda müasir təlimlərin aparılma
metodikası və strategiyası sahəsində məlumatlar verilmişdir.
Noyabr ayında Azrərbaycan Beynəlxalq Məktəbinin şagirdləri Füzuli 40 saylı
və Laçın İmanlar məktəbinin qonağı olmuşlar.
Məcburi köçkün şagirdlərin və Beynəlxalq Məktəbin şagirdlərinin bir araya
gəlməsində əsas məqsəd müasir təhsilin faydalı təcrübəsinin ötürülməsi,
məktəblərarası əməkdaşlığın qurulması və müxtəlif millətləri təmsil edən
uşaqlar arasında ünsiyyətin qurulmasına şərait yaradılması olmuşdur.
B) Məcburi köçkün gənclərin UYŞH metodu ilə peşə bacarıqlarının
artırılması
Usta Yanında Şagird hazırlığı metodu ilə 37 məcburi köçkün gənc azrularına
uyğun peşələrə yiyələnmişlər.
Peşə bacarıqları əldə etmiş 15 gəncə gələcəkdə öz bizneslərini qurmaqda
kömək məqsədilə sahibkarlıq və biznes təlimləri verilmişdir. Təlimlərdə
bazar araşdırmalarının aparılması, GZİT təhlili, biznes planın
hazırlanması, uçotun aparılması, vergi ödəyicilərinin qeydiyyatı və vergi
sahəsində ilkin məlumatlar verilmişdir.
Həmçinin, bu gənclərə kompüterdə işləmək bacarıqları əldə etmələri üçün
kompüter kursları təşkil edilmişdir. Kurslarda gənclərə MS Windows, MS
Word, MS Excel proqramları barədə ətraflı bilgilər verilımişdir.
Ümid HSDM əqli və və fiziki cəhətdən qüsurlu uşaqların təhsil aldığı
internat məktəbində xeyriyyə kampaniyası keçirmişdir. 14 nəfər peşə
bacarıqlarına yiyələnmiş gənc 2 gün davam edən bu kampaniyada əldə
etdikləri bacarıqları böyük həvəslə nümayiş etdirmiş, orda təhsil alan
yüzlərlə uşağın sevicinə səbəb olmuşlar.
Tədbir internat məktəbində təhsil alan uşaqların kukla tamaşası və əl
işlərinin sərgisi ilə sona çatmışdır.
C) BMT QAK-ın Azərbaycanda Qaçqınlara və məcburi köçkünlərə yardım
proqramlarına maddi– texniki dəstək
2005-ci ilin oktyabr ayında Beynəlxalq Lutheran World təşkilatı tərəfindən
BMT QAK-a göndərilən humanitar yardımlar anbara qəbul edilmişdir. 2006-cı
ilin paylama planı hazırlanmış və Azərbaycan Respublikası Nazirlər
Kabinetinin müvafiq şöbəsi tərəfindən təsdiq edilmişdir. Plana əsasən
2006-cı ildə 13 təşkilatın xətti ilə 17 şəhər və rayonda məskunlaşmış
qaçqın və məcburi köçkün ailələrinə humanitar yardım paylanması nəzərdə
tutulur.
Enerjidən Effektiv İstifadə və Alternativ Enerji
Mənbələrinə Çıxışın Yaxşılaşdırılması üzrə Maarifləndirmə” –”Enerji
Avtobusu"
Donor: BP, ATƏT, Beynəlxalq Maliyyə Korporasiyası, Avrasiya Fondu
Layihənin məqsədi:
Əhalinin Enerji resurslarından effektiv istifadə üzrə maarifləndirilməsi
Layihə 4 istiqamətdə həyata keçirilir:
-
Maarifləndirmə
tədbirləri - Oktyabr-dekabr ayları ərzində Samux və Şəmkir rayonlarında 19
maarifləndirmə tədbirləri həyata keçirilmişdir
-
Təlim—9-11-ci
sinifləri əhatə edən 54 şagird enerji resurslarından effektiv və
təhlükəsiz istifadə, enerji texnologiyaları və izolyasiya işləri üzrə
təlimlərdə iştirak etmişlər.
-
Təlimat - 1 uşaq
bağçası və 2 məktəbdə düzgün izolyasiya haqqında təlimatlar verilmişdir.
Həmin müəssisələrdə otaqların qapı və pəncərələri izolyasiya edilmiş və
yonqar sobası hədiyyə edilmişdir.
-
Məsləhət - 19
sahibkar Mikro SES, Bioqaz qurğusu, Günəş kollektoru, Yonqar sobasının
quraşdırılması ilə bağlı məsləhətlə təmin olunmuşlar.
Zığ İcma İnkişafına Təşəbbüs
Donor: Şah Dəniz Şirkəti
Layihənin məqsədi:
Bakı şəhəri, Xətai rayonu Zığ yolu, H.Z.Tağıyev adına Toxuculuq
Kombinatının ətrafında yerləşən icmaları gücləndirəcək dayanıqlı və
yaradıcı təşəbbüslərin dəstəklənməsi, gəlir yaratma imkanlarının
yaradılması və sosial-iqtisadi imkanların yaxşılaşdırılması
İcma İnkişafı
İcma Fəaliyyət qruplarının icma işi ilə əlaqədar müxtəlif mövzularda bilik
və bacarıqlarının artırılması və təcrübədə bu biliklərdən yararlana
bilməsi məqsədilə nəzərdə tutulan təlim və məsləhətlərin verilməsi davam
etdirilir. Bu təlimlər ekologiya, səhiyyə və sağlamlıq, layihələrin idarə
olunması, layihələrin dayanıqlıq planlarının hazırlanması, ictimai
maraqların müdafiəsi mövzularını əhatə etmişdir.
Icma Təşəbbüslərinə dəstək
Layihə çərçivəsində əldə olunmuş nailiyyətlər sırasında icma
təşəbbüslərinin dəstəklənməsi istiqamətində həyata keçirilmiş tədbirlər öz
yerini tutmuşdur. Belə ki, icma üzvlərinin bacarıqlarının artırılması üçün
ingilis dili və kompüter kursları təşkil olunmuşdur. Artıq 36 nəfər icma
üzvü kompüter kurslarını müvəffəqiyyətlə başa vurmuşdur. 12 nəfərin
qatıldığı ingilis dili kurslarına danışıq bacarıqlarının yaxşılaşdırılması
məqsədilə əlavə olaraq danışıq dərsləri də daxil edilmişdir.
“Dünya Azərbaycanlılarının həmrəylik günü” və “Yeni il” bayramı
münasibətilə H.Z.Tağıyev adına Mədəniyyət Klubunda Yeni il şənliyi
keçirillmişdir. Bu tədbirin keçirilməsində, icma üzvləri ilə yanaşı
ərazidə fəaliyyət göstərən sahibkarlar və imkanlı şəxslər də yaxından
iştirak etmişlər. 5-7 yaşarası 320 uşağın iştirakı ilə keçirilən tədbir
“Qış nağılı” tamaşası ilə sona çatdı və uşaqlara yeni il hədiyyəsi təqdim
edildi.
Bu şənliyin təşkil olunması icma üzvləri və ərazidəki sahibkarların birgə
fəaliyyətinin bariz nümunəsi idi.
İnfrastrukturun inkişafı
Oktyabr-dekabr ayları ərzində 4 icma ilə aşağıdakı layihələr üzrə müqavilə
imzalanmışdır.
Etimad—”4 saylı yataqxananın hamamının təmiri”
Ulduz—”Ulduz İcma Resurs Mərkəzinin qurulması”
Doğru Yol—”İdman meydançasının bərpası”
Toxucu—”2 ikimərtəbəli binanın foyelərinin təmiri və sakinlərin istirahəti
üçün oturacaqların qoyulması”.
Usta yanında Şagird Hazırlığı
Dekabr ayının 28-də “Dünya Azərbaycanlılarının Həmrəyliyi günü” və “Yeni
il” bayramı ərəfəsində qadın bərbəri sahəsi kurslarında iştirak edən
şagirdlərin iştirakı ilə SOS uşaq kəndində xeyriyyə kampaniyası
keçirilmişdir. Kampaniya zamanı şagirdlər 25-ə yaxın azyaşlı qızlara və
onların tərbiyəsi ilə məşğul olan analara bərbər xidməti göstərmişlər.
Hal-hazırda 23 nəfər qadın bərbəri, kosmetologiya, rəssamlıq və qadın
dərzisi peşələri üzrə təlimlərdə öz bacarıqlarını artırır.
Ümid HSDM
8 yaşını qeyd etdi
28 dekabr 2005-ci ildə “Ümid” HSDM-nin 8 yaşı tamam oldu.
Yarandığı gündən “Ümid”HSDM əhalinin aztəminatlı təbəqələrinə onların əsas
ehtiyaclarının ödənilməsində, sosial problemlərinin həllində, təhsil
şəraitinin yaxşılaşdırılmasında, icmaların inkişafında, əhali üçün
iqtisadi imkanların yaradılmasında yardım edir.
“Ümid” HSDM 1997-ci ildə öz fəaliyyətinə Sumqayıt şəhərində başlamışdısa,
hal-hazırda “Ümid” Azərbaycanın müxtəlif bölgələrində fəaliyyət göstərir.
“Ümid” HSDM əldə etdiyi nailiyyətlərə görə bütün əməkdaşlarına və
partnyorlarına təşəkkür edir.
|
