Ana səhifə  |  Haqqımızda  |  Əlaqə

>Azəri  >English

Humanitar və Sosial  Dayaq  Mərkəzi

«Ümid» Humanitar Sosial Dayaq Mərkəzi 27 may 2008-ci il tarixdə Xətai rayonu 3 saylı Uşaq evində Xeyriyyə Tədbiri həyata keçirmişdir.
Tədbir BP və onun tərəfdaşlarının maliyyə dəstəyi ilə həyata keçirilən «Bakı Koridoru boyunca Gənclərin Məşğulluq və İqtisadi İmkanlarının Genişləndirilməsi Təşəbbüsü» layihəsi çərçivəsində reallaşmışdır.

Tədbirinin keçirilməsində məqsəd peşə bacarıqları əldə etmiş şagirdlərin ərazidə tanınmasına şərait yaradılması, gənclərin müvafiq sahələr üzrə qazandığı bilik və bacarıqlarını təcrübədən keçirməsinin təmin edilməsi onların gələcəkdə peşə seçimi ilə əlaqəli sosial vərdişlərə yiyələnməsinə istiqamət verilməsindən ibarət olmuşdur.

Tədbir çərçivəsində Usta Yanında Şagird Hazırlığı metodu ilə peşə bacarıqlarına yiyələnmiş 12 nəfər gənc və onlara peşə öyrədən 6 nəfər usta uşaq evinin 3-18 yaş arası 103 sakininə ( 42 qız və 61 oğlan) bərbər xidməti göstərmişlər.

Fatimə Gözəllik Salonunun rəhbəri Y.Qasımovanın dedikləri: «Mən ilk dəfə bu səpkili tədbirdə 2005-ci ildə «Ümid» HSDM tərəfindən SOS Uşaq Kəndində keçirilən xeyriyyə tədbirində iştirak etmişəm.. O gündən bəri mən və işçilərin mütəmadi olaraq Bakı şəhərində yerləşən Uşaq evləri və internat məktəblərinə gedir, uşaqları bərbər xidmətləri ilə təmin edirik. Bu tip tədbirlərin istər gənclərdə , istərsə də biz ustalarda xeyirxahlıq ideyasının aşılanmasında böyük rolu olur».